CARREGADERA DE CAIS – AH, QUÊS AMDJER VALENTE D’UM VEZ

Dmingue 24 de Junhe de 2012, más um dia que ta bene na mimória quel nôs “Colá San Jon” dum vez em que nôs pove depôs daquel missa de Sr. San Jon revulteode tava sigui sês tocador de Tambor,ma sês naviu de vela bronc bem bolinode pa Capton Farel (Farwel) Capote e más otes, naquel lorgue de Rebera de Julion, ondê que nôs Carregadera de Cais tava dá sês “best”. Uli sês Stroria:

- Dês de tempe de Caniquinha, quonde tê gote de Manê Jon tava ingordá na gemada e que Soncente um vez era sabe, moda ta dzide naquel refron de nôs eterne estimode poeta amigue e mnine de Soncente, Sérgio Frusoni, ês amdjer valente de nôs terra por nome de Carregadera de Cais, já tava existi e marcá c’força sês presença e sês participaçon n’economia de nôs sociedade Mindlense na Soncente. Enton, m’resolvê trazê bsote sês presença nês storia, pum lembrança e recordaçon bem mericide.

Amdjer valente sim, quê pa ês quel vida lassim de carregá carga na cabeça de plumanhã tê de note pa garanti fidje quel panela na lume de tude dia n’era cosa facil e, na sês munde, ês tinha de ser “strong” e ter bom saúde pas podia tem força e guentá que coraja tude quês estocada ma salabongue daquel vida de tude dia.

Era um época em que ca tinha camiunitim Juvita, nem camiuneton, nem telifone ma televison pa destraí pove e, tude carga, sobretude cmida que tava tchegá dentre de soque, binde d’otes Ilha ô de estranger pa Porte Grande de Mindelo, era descarregode de borde de naviu ô vapor na lantcha lá fora, na mei de Baía, e depôs trazide direte pa terra, direçon Cais d’Alfândega.

Enton, depôs de Cais d’Alfandega, quês soque um vez despatchode, direçon era armazem daquês Casa Comercial, carregode tude na cabeça d’amdjer ô na zorra (instrumente de carga fête de madera qu’era puxode ta rastá, pa força de broce d’home, especialidade de Cantai ma Chima de Nhô Muxim Pinto). E cabá, zorra tava levá poc carga e era más usode pa desinrascá loja quonde cmida tava estode ta esperá saí de despache d’Alfândega e que “stock” de midje ma fejon, etc., tava estode quaz ta cabá na loja.

Quem tava segurá tude quel movimente de traboie, era ês nôs amdjer Carregadera de Cais que na época era prop um nescidade naquel munde de mon d’obra, explorode sim, ma smeme assim valorizode e respeitode na sês labuta e conciença de tude quel pove de Soncente.

M t’otchá cma falá dês nesse storia ê prestás um homenaja bem merecide pa importância quês tive na desenvolvimente de nôs Ilha de Monte Cara e tude o quês fazê pa nôs terra ma nôs gente, não sem esquecê cma tcheu dês, carga na cais ê que levás sês vida!

Era um espectacle bastante animode tude quel movimente de carga ma gente de negoce naquês rua de Mindelo, sobretude perte de Cais d’Alfândega, dia e note ta bai ta bem sem pará, c’aquês amdjer puste corpe e alma na sês dure labor “Non Stop” de carregá carga suode, cansode de soque na cabeça, tcheu dês que mnine piqnim marrode na costa, além ta bai ta mámá travessode, ta trabaiá esforçode ma sempre nimode ta dá sês expediente pa garanti quel pon de tude dia na casa.

Ma, também moda tude pove dês munde, ês tinha direite de vivê, de diverti e sparajá corpe sempre que ocasion tava presentás.

Assim, depôs dum semana de traboi forçode, de tonte carregá soque ma carga de tude espece na cabeça, era normal c’aquel pove trabaiador, moda tude otes pove, tivesse sês direite de descansá na fim de semana ô dia de festa e diverti pa esparajá corpe.

Enton jás sabia cma tude Sóbede ma Dmingue de Mari Santíssema era quês boie de tcherê cadera ranjode pa Curuca ma Concha, em que orquesta era um montanha de disque (vinil plastique) tocode naquel gramophone bidjin (His Master Voice) dáda corda, lugode na Placa,quê um verdader orquesta semifusa de viola e bic naquel tempe tava saís mute core e gente de terra ca tinha mute dnher.

Smeme assim, tude quel pove trabaiador tava cambá Bamba trás de Compe de Jogue ô Murrim de Cavole ba esparajá, ondê que tava dançode tê plumanhã e pove tava saí dá lá de dentre tude brumedje de bic de pê na cabeça, quê tchon de sala de boie era de terra, quês tava custumá moiá antes de boie cumeçá e, ás vez na mei de boie pa calcá tchon.

Enton Concha, pa completá quês fim de semana, depôs de boie tava fazê quês bons piqnique d’escabeche d’oie lorgue ô plombeta c’arroz c’faba, na Rebera de Julion ô na Funde de Moque, pagada quel dôs e quinhente (2$50).

Na tempe de COLÀ SAN JON, carregadera de cais era quem tava dominá quês festa c’sês colá...colá... ô sabe... Naquel lorgue de Rebera de Julion ta sigui CAPOTE sês Capton Farel (Farwel) c’sê maravilha de naviu, tude infeitode de rosare, aviunzin, ventuinha, huminha etc., enfim um maravilha bem trabaiode e preparode.

Dvera, tude fim de semana ô dia de festa, sês festa era prop Top, bem organizode, quê, ês ca tinha más pa dondê bai e era na mei daquês fistinha ma divertimente que tcheu dês tava incontrá cumpanher, fazê sês cunquista, juntá e vivê pa tem fidje.

Ma na segunda-fera, ô corpe queria ô corpe ca queria, ês tinha qu’argui cidim bá betá mon na pau, pas podia ganhasse sês vida e garanti fidje quel panela na lume de tude dia...

Naquel ritme, cma tempe tava saís de poc e dvera ca tava dás pa más, mode destância de casa ondê quês tava morá. Assim tude quês mãe de parida era obrigode de vivê naquel “Cicle de Catchupa”, prop de pobreza de Soncente dum vez:

- Seis hora da tarde, catchupa na lume c’aquel padoce de cavala ô quel barriga d’atum, trada quel colde pa jantar de note, gordada quês ingron, dia siguinte plumanhã, volta d’onz’iora, tude gente podia cmê quel catchupa guisode c’um puntinha de tucim bedje quonde el tava parcê ô c’um cavalinha frite, que pa ês era café-almoce tê esperá de note torná fetchá pas podia torná cmê.


Muvimente de pove na época era bastante, quê vapor na Baía de Porto Grande de Mindelo na Soncente de Cab Verd, era cosa que ca tava faltá. E, ês tava bem de tcheu parte de Munde descarregá midje, fejon, açúcra escura ma branca, farinha de pau (mandioca) trigue qu’era de primera necessidade e más e más otes cosa.


Deboxe d’orda ma rigor de Capataz Quirino de Club de Futebol Derby, tude carga tava tchegá imbalode na soque e cma ca tinha camionete pa transportal, quê camionete na época era más usode na pedrera pa carregá pedra ô cal, enton ca tinha ote ricurse senon sende cabeça d’amdjer!


Enton, linhode dôs a dôs, uns trás d’otes moda soldode na fila, nivelode pa tamonhe c’sês soque na cabeça comparode, grande c’grande, piquenim que piquenim pas podia equilibrá marcha. Ês era ás vez más duns trinta amdjer, linhode ta bem sempre uns trás d’otes, marrode quel pone bronc na cadera pa ca abrisse corpe.


Fila tava rancá ta bem de Cais d’Alfândega,passá na porta d’antigue Compainha de Carvon Nacional, vrá pa esquerda perte de Casa Miller & Corys e log pa dreita na rua Sant’Antone, ondê que lá enton ê que tava morrê pexe. Quê lá ê quês tava proveitá pa ranjá sês vida pas podia tem más um csinha pa juntá naquel truquin de miséria dum dia de traboi, quês tava pagás.


Na cabeça de fila, era sô quês amdjer más piquenim de quaz um metre e setenta (1m70) e, pa traz, era sô quês amdjerona dum metre e noventa (1m90)ô más, tude ês de pescoce mitide na corpe mode quel pese de carga na cabeça, ta bem num ritme de posse celerode e cadênciode prop d’seus, num bnite balonce de cadera.


Era ês: - Caiela Piquenim ma Armanda Franciu, Mari Curvim ma Nuna, Grogue c’Ciré ma Puntinha quel que tinha linga roste. Na mei dês, tinha um rapaz (cosa estrinhe) por nome de “Cmade Onça”, bastante popular, que tava fazê par ma Constança de Momoque. Na fim de fila enton, racadá bô dá quê lá, era sô quês regaçada valente moda Antonha de Bil, más cunchide pa Antonha Charute, Mana, quel que tava vendê cana de tchepá lá rua de Suburbana, Caiela Grande, Mari Binisse, Rosa de Conhe, Antonha de Bala e más otes dês amdjer valente que ca tava mejá na nhame, que ca ti ta beme grinhassim na mimória.


Deus tava defendê cada um de caí n’armadilha de bescás guerra quê, Senhor Deus, el tava ta ba conchê suá. Basta ês tava bai log t’avisal:


- Hei, cuidode, quê mi, mi não! Mi um pari só motche, dode dor derriba de soque lá na Spital. E nha partera foi Mari Roque, OK?! O que queria dzê tude e más algum.

 


Quê amdjer que falaba assim daquel manera ê quel n’era tonse, quê el tinha dode dor dvera el sô, c’joei derriba de soque na tchon, diante de Mari Roque, enfermera desaforada sem rival, ma boa enfermera que quaz na tchon de Cab Verd nunca tive igual. E primer cosa quel tava dzê quês coitada, na mei daquel afronta, quonde ês tava estode ta tem mnine era: - Já bô bem?! Agora ulibe li ta gritá... Porra! Ma quonde bô tava sabe, bô ca tava ta lembrá, na bô ê que sabe???!!!



Pês recebê quel truquin de miséria, ês tinha de fazê um data de volta de bai e bem, c’soque na cabeça, de Cais d’Alfândega pa quês Casa Comercial, pas pudia garanti quel bolacha daquel dure dia de traboie. Quel munde de Carregadera de Cais era na dvera um munde bem à parte, ma ês tinha de vivê sempre naquel força de movimente de luta pa sobrevivência pas pudia ganhasse sês vida e continua ta criá sês fidje. Quês mnine marrode c’pone, na costa de sês mãe, tava sigui de perte tude quel escola de vida de terra e de cuitada de sês mãe.


Solidariedade era bem grande na sês munde. Fila na movimente, ês tava passá cumpanher soque de cabeça pa cabeça na mei de camin, pa descansaba cmade ô também pal pudia ba dasse sê fidje máma na rua, na hora devide, lá ondê quel parceba, quê cmade parida de nove, ta sofrê, c’máma grosse ta esgritchi lete, tempe ca tava dal pal basse tê casa e torná bem.


Ês tava formá um sô bloc, da lá de Cais D’Alfândega tê armazém de Serradas, Nhose, Muchim Sequeira, Manim Duarte, Feijóo, Benoliel de Carvalho etc, etc, área ondê qu’um criá e moda tude mnine de nha rua, m’sigui quel movimente. Pa otes banda moda Carvalhim, Alfrede Miranda e otes armazem de Mindelo, carregadera tava mantê quel mesme espirite de solidariedade.


Tude gente sabia respeitá quel pove carregador, dentre de sê tonte, na sê actividade mode quel vida que n’era nada fácil, mal pagode e sacrificode quês tava levá. Assim, naquel confuson de movimente de carga ta bai carga ta bem, ta tinha sempre cada cosa d’espantá e cosa d’arri naquel escola de vida. Basta tude Carregadera de Cais tava tem sempre ma el sê lamena ô agulha de cosê soque, c’linha já pronte, pal podia dá quel golpe ô quel fure c’um pic naquel soque de midje, fejon, açucra ô quel que parcê, ma sobretude na soque qu’era de cmida.


Sês manera d’agi na esperteza era bem organizode. Era tude gente ta colaborá, assim quês de cabeça de fila, quonde guarda tava na mei ta fiscalizá, ês tava proveitá pa dá quel golpe ô pic na soque, fastá quel gola de sê bestide na pescoce e pô ta pará, por dentre na peite, uns cinque litre de midje ô do que besse e nada ca tava passá pra boxe de cintura, quê ês ta tinha quel pone marrode bem pertode na cadera, pa ca dexá nada passá!


De vez inquande, ta tinha problema ma pliça ô guarda fiscal. Enton, um vez Antone Grigola pliça, bem cunchide daquel pove, panhaba Caiela Grande na fila de carga ta dá um furo num soque d’açucra, log el dal fala, chei de raiba gritode pa tude gente uvi e, el bá ta dzel:


- Oh Caiela, hoje ja’m panhobe ta frá soque de gente e, quonde nô tchegá, bô descarregá quê um ti ta ba levobe pa Esquadra.(Staçon de Pliça).


Caiela, c´sê buquinha de lume, rafilona, vluntarona lá fora moda el era, ca dexá bobra esfriá e repicá log também gritode na mei de pove pa tude gente podia uvi também:


- Oh, Antone Grigola, dexá de bôs felestria, quê mi quonde bô frame deboxe de Cais Nacional m’ca tchegá bá quexá de bô na Tribunal, n’é dvera?! Mi bô dexame dessegode Antone e passá bô camin bô bai na paz de Deus ok?! Basta tude quel pove largá t’arri e Antone Grigola, chei de vergonha porque era dvera, já ca fazê justiça, largá tude da mon e bai embora.


Derriba de passei ta tinha quês Carregadera que já tava estode de volta, enton ês tava tchemá cumpanher pa dás quel help:


- Oh, nha cmade já bocê bem, agora bocê bem descansame pescoce um csinha de favor.


Cmade tava sei de fila, log quel ote tava entrá e tmá cabeça de carga daquel soque. Enton cmade, tava entrá log na Botequim de Nh’Antone Soares, bom home, Deus dal céu, ondê que tude ês tava ba tmá quel bom grogue pa trá poera da carga.


Pa depôs, da lá de Nh’Antone Soares, ês passaba pa quel quintalon de Dona Vivi Martins, também santa senhora, ondê que tude ês tava custumá ba juntá pa parti, na descontra entre ês parte igual e pa cabeça de mnine na casa, quês litre de midje, ma fejon, açucra e ô otes cosa quês ta tinha recuperode naquês soque daquel movimente de carga de tude quel dia.


Prova moral daquel grande solidariedade ê que, quonde tinha pa um, ta tinha pa tude. Basta, tê fiscal tava tmá sês parte também. E, quonde ês ca ta tinha nada, ês tava parti entre ês quel poc quês tinha ô pudesse parti c’cumpanher, sempre c´morabeza. E sês cuidode e preocupaçon maior que tude ês ta tinha, era sobretude procurá sabê se mnine de cada um na casa, ta tinha pal ca fecá sem cmê.


Carregadera de Cais, foi um pove trabaiador explorode que na mei de tude sês miséria sube sempre gordá sês dignidade de gente serie e de consideraçon. Basta quonde movimente de carga na Cais tava escassiá, tude comerciante de nôs rua tava dás fiode e na confiança, quê ês sabia cma, log que cosa tava pô na camin, sês primer preocupaçon era bai log pagá quem quês tava estode ta devê, pas podia fecaba c’cara sempre levantode.


Quem que na nôs rua, naquele tempe, ca vivê de perte e sinti quel tcher de suor quente dum traboie honrode, na mei daquel salabonge de Carregadera de Cais de nôs terra?! Tcheu dês, pa tude quel miséria de munde, ta tinha sempre grande preocupaçon de mandá fidje pa escola, sô pas ca vivê um vida igual a d’seus, pas podia ter um vida amdjor.


Tcheu dês, sês fidje ba longe na escola. Otes, log quês fazê quarta classe, cma ês ca pude continuá escola, ês tava mandás pa Oficina Naval, Grande Escola dirigide pa nôs saudose e também grande Senhor Cunco (Teodoro Gomes) autodidata, ondê sei bons motorista / mecanique de fresa, cum bom formaçon dode pa ês nôs cab-verdiane de valor, recunhicide tê hoje pa nôs tude e na munde inter.


Pa tude quem que conchê bem quel época e também pa nove geraçon que ca conchel, esse ê um homenaja pa nôs amdjer de valor e um mensaja, pas fecá ta sabê.


HONRA pa tude ês amdjer mãe de parida Carregadera de Cais, pa sês grande traboie e prestaçon na vida economeca de nôs terra Soncente Cab Verd dum vez. Um pove valorose e honeste, que sube dá quel importância na tude quês principe moral de vida de nôs sociedade dum vez, na tude sês grande simplicidade e, que tcheu dês ca nô nunca esquecê cma: CARGA NA CAIS Ê QUE LEVÁS SÊS VIDA!!!


ZIZIM FIGUERA (José Figueira, júnior)


Consulte as noticias em arquivo desta secção.

Comentários dos nossos leitores
Aguinaldon Wahnon guiwahnon@gmail.com
Gostei: Muito Concordo: Plenamente
Comentário:
Caríssimo primo.Hoje, trouxeste um tema cujo conteúdo nunca me saiu da cabeça. Como sabes, tanto a minha padaria, como a de Matos,eram os grandes consumidores de farinha.Esta vinha em sacos de linho de cinquenta quilos. Quando chegava o vapor, vindo do Canada o movimento do cais para aquelas padarias, durava um dia inteiro. cada vez que descarregavam um saco, alguém lhes dava uma moeda de cinco ou dois tostões..Não raras vezes, as mais valentes suportavam dois sacos. Para além de farinha, havia açuçar, em sacos de noventa quilos. Estes era conduzidos por duas carregadeiras. Nunca me saíu da mente, as figuras dessas autenticas heroinas, muitas vezes com um filho às costas e outro na barriga. Houve casos de algumas terem parido a meio caminho.Já sugeri a algumas pessoas que fosse promovido junto dos responsáveis de S.Vicente a construção de um monumento de homenagem à MULHER cabo-verdiana, com relevo para as carredeiras de cais.Excuso dizer-te que continuas em boa forma, e que as tuas estóris têm para todosb nós um sabor muito especial. Aquele abraço e bom domingo. Gui


Arsenio de Pina arseniopina@hotmail.com
Gostei: Muito Concordo: Plenamente
Comentário:
Benitin, rapaz. Essa fez-me lembrar um artigo meu dedicado às heroínas da vassoura de Soncente. Aquele abraço. AS


Alexandre Dias alexdias@gmail.com
Gostei: Muito Concordo: Plenamente
Comentário:
Como lá dizia o poeta, se o mundo tem fim finda...porque senão, prossegue indefinidamente.É só para te dizer que nunca é demais ler as tuas crónicas que vêm sempre a tempo e a propósito.Essa está uma maravilha em apoteose homenageando e com toda razão as nossas antigas carregadeiras de cais em que a minha avó Mana,foi uma delas, mas teve a preocupação de mandar a minha mãe Eduarda para o Liceu onde ela fizera o seu 5ºano embora debaixo de muito sacrificio, tendo assim uma vida melhor como empregada do Banco e podido dar-me o titulo que tenho hoje modestia á parte. Parabens amigo Zizim conttinuas no TOP apreciado de todos .Aquele abraço Alex


Victor dos Reis vdosreis@gmail.com
Gostei: Muito Concordo: Plenamente
Comentário:
Amigo Zizim, Uma relevante homenagem ás mulheres cabo-verdianas(nossas mães)daquele Soncente d'outrora.Essas valentes como dizes contribuiram, embora exploradas, grandemente na economia da nossa terra.Obrigado pela iniciativa Zizim.Gostei imenso do texto muito bem escrito.Abraços Victor


Silvia Lopes slopes@netcabo.pt
Gostei: Muito Concordo: Plenamente
Comentário:
Boa storia.Gostei imenso da justa hoenagem as nossas Carregadeiras de Cais d'Alfandega na ligeireza da tua pena em escrita da lingua cabo-verdiana Parabens amigo.Abraço Silvia


Antonio B.de Pina toipina@netcabo.pt
Gostei: Muito Concordo: Plenamente
Comentário:
Zizim a tua estória como sempre está magnifica e coroada dessa foto saudosista do nosso Cais de ver partir que também foi palco do quotidiano ganha pão de muitos e em especial das nossas Carregadeiras de Cais mulheres valentes que contribuiram defacto e sem darmos por isso na economia da nossa Ilha de Monte Cara.Parabens por essa feliz homenagem.Abraço Toi


Miguel M.Monteiro mucimdereberabote@gmail.com
Gostei: Muito Concordo: Plenamente
Comentário:
Zizim, Cma já bô sabê ca tem um fim de semana que nô ca ta dexá de passá na print bôs stora, sobretudo um moda esse que ta tocone bem na funde de nôs afectos, mode quaz tude nôs tive um familia carregadera de cais.Nõs grupim de Rebera Bote ta felicitobe p'esse homenaja.Suade sempre e bom dmingue.Guey


Terencio Lopes terenciolopes@yahoo.com.au
Gostei: Muito Concordo: Plenamente
Comentário:
Zizim, Agora cma Liberal ta estode ta publicá bôs stora cidim, nôs li n'Autralia no ta prop feliz,quê storia ta estode ta tchegá justim na hora d'almoce, assim nôs gupim ta lel djunte e prop sabim.Ubbrigada pa esse boa homenaja.Bom dmigue Quel braçona Terencio


Joaquim ALMEIDA soalmeida@free.fr>
Gostei: Muito Concordo: Plenamente
Comentário:
Oh.. irmao das nossas comunidades , so faltava na verdade homenagear ( aquelas corajosas mulheres ) de Sao Vicente- Mindêlo; esta bela fotografia relembrando o cais d' alfândega que nos incita a dizer ( oh tempo volta para tràs ) que tantas saudades nos faz sentir daquele tempo em que as esperânças o sonho , viviam no espirito do cabo verdiano e que hoje està desaparecendo dado às consequências do comportamento egoista do homem !.. Para terminar digo-te que esta fotografia do cais d' alfândega e a propria alfândega ao fundo , veio-me neste momento à memoria aquele grande homem , gordo com o seu famoso ( bigodo ) que é " Nhô Muchim Pinto ) acompanhado daquela senhora , - também gorda - mulata !.. que segundo diziam , era a sua " rapariga" !.. Belos tempos que jà nao voltam mais !. Aquele abraço d' Um Criol na Frânça ;Morgadinho !..


Maria Margarida Alfama Fragoso mguialfamafragoso@gmail.com
Gostei: Muito Concordo: Plenamente
Comentário:
M lê esse lembrança ma tude devoção e respeite.Merecida homenagem pa amdjer de nôs terra em geral e nôs carregadera de cais em particular. cabo-verdiana sempre contribuí, ma eficiênça, pa economia doméstica de Cabo Verde com tude dedicação e profissionalisme. Es tava equilibrá ques soque num mesme compasse e pé olte de tchon, naquel bombolear mágico.Ainda bem que es quadro de vida portuária mindelense é hoje apenas um lembrança...Màs um vez, obrigada, ZIZIM BRAÇA!


manuel delgado manuel.delgado277@gmail.com
Gostei: Sem Opiniao ... Concordo: Sem Opiniao ...
Comentário:
Bonita e terr´vel estória! O que mais me despedaça o coração é saber que muitas dessas heróis chegavam à tarde à casa para encontrarem filhos à espera de um "café de midje c'um bolacha de mates pa inganá fome"... Sinto-me muito triste pensando nisso.


Januário Matias Soares jmsoares@kpnmail.nl
Gostei: Muito Concordo: Plenamente
Comentário:
Caro Zé, uma istoria muito revelante pelas lembranças que eu ainda me lembro de garoto, aquelas mulheres aram mesmo valentonas. Quando chegava os navios com apreciose contiude, é sò uma pena que não à fotos daquelas valentonas, com os sacos a ser tranportado para a Fabrica,sport, e favorita, até parecia como se fosse formigas no seus labut de dia a dia.Como disse o amigo Gui de sr. Jonas, deveria de facto que alguem fazer qualquer coisa para que ficase na memoria da mulher Caboverdiana, para não cair no esquecimento. Daqui vaaie aquelo abraço amigo Januário


Jose F Lopes jflopes@yahoo.com
Gostei: Sem Opiniao ... Concordo: Sem Opiniao ...
Comentário:
Zizim As mulheres da Ponta da Praia, que hoje homenageias, jogaram um papel importantíssimo à economia da ilha e do país ( circulação de mercadorias) num tempo em que as máquinas e os transportes careciam e em que a força braçal era o mais importante. Nunca se prestou um justa homenagem a estas verdadeiras heroinas de Cabo Verde.


Djê Guebara nhela80@yahoo.com
Gostei: Sem Opiniao ... Concordo: Sem Opiniao ...
Comentário:
Hay caramba Zizim de Ti Djô Figuera:Me tocas-te dentro de alma ao trazer essas recordações que tanto vivi de perto com todas essas gentes que tu mencionas das nossas vidas cotidianas. Ao relembrar alguns nomes que tambèm desas mulheres valentes e de pura fibra tais como Bia de Marcelina e o filho dela que se chamava Batcha, tambèm carragadera do cais de alfândega e do cais Nacional e tambèm de puxar na Zonrra o pau liso esso um tio meu que se chamava Chico el que puxava a Zonrra como o meio de trasnporte por todas as calçadas do mindelo.tambèm não è de esquecer do grande capataz que foi Niclete do càis Nacional. Aquelas mulheres valentas tais como Zabel,Grigola,Mari Curvim,Da Luz, e tambèm não podeia-mos de esquecer da nha Bia d'Djodja que abaixo daquela mata sentada que nos vendia aquele Pôm q'doce,aquele Pôm d'midje de Matos aquele gruguinha que nô tava tra aquel cansera d'corp de tonte rema na bôte. Recordação do meu querido Càis de Alfândega aquele que me vio crescer e formar como homem trabalhador de dia e de noite descargando botes cheios de diversas mercancias que trazia-mos dos barcos depois que os negociantes fazia aquele bom negòcio.Tambèm muito obrigado por mencionar a minha querida e inesquecida Concha relacionada com aqueles famosos baile de todos os sàbados e daqueles pic-nik,saùde para Concha em este dia especial dia de Sonjom la na Ribera de Juliôm. Djê Guebara Lake Worth Fl,


Djê Guebara nhela80@yahoo.com
Gostei: Sem Opiniao ... Concordo: Sem Opiniao ...
Comentário:
Muito e muito obrigado Zizim, porque tu ès o filho verdadeiro de soncente à terra que nos vio nascer e com tanto orgulho sentimos satisfeitos de aceptar de todo coração as tuas memòrias dos acontecimentos dos nossos antepassados da nossa querida ilha do encanto que è são vicente dos meus amores a ilha que me vio nascer e que levo comigo sempre no meu coração porque aqui comigo tenho dois pedrinhas da minha ilha que levo comigo em a minha carteira como sibolo de amor com a ilha que me vio nascer e ficarão comigo atè que a morte nos separem. Zizim não esqueças tambèm de fazer uma crònica da nossa querida Bibica bem conhecida por todos os sanvincentinos e tambèm do nosso inesquecido Djony Barber. Os verdadeiros protagonistas das tuas crònicas que ilustram as històrias do nosso maravilhoso cidade do MINDELO com as letras Maìusculas. Desde de America sou Djê Guebara


Gabriela Amado Silva gabybamado@hotmail.com
Gostei: Muito Concordo: Plenamente
Comentário:
Como sempre gostei muito da sua crónica .Muitos parabéns , saúde e boa disposição para continuar . Um grande abraço ,Gaby

Zizim Figuera (José Figueira, Júnior)

V O L T A R

Comentário:

Caro Mano, Gostei! Antes de mais nada quero dizer que sempre me impressionaram essas "sub-substantivas" carregadeiras de cais cuja potência ontológica e pujança física constitui um mistério para mim.

Mas tu não as observas como um colectivo. Nomeias, dás nomes e espero que reste alguma, que a carga não tenha dado "cobe de sê vida" que saiba desta homenagem.

Agora posso provocar-te dizendo que nesta "crónica de boas malandras" encontro mais o Zizim Figuera escritor do que o mindelense habitual, talvez por isso se procure, em vão o picaresco ou a anedota e se descubra uma orientação, objectivo, finalidade ou preocupação através das tuas declarações de intenção de "homenagear" e passar" mensagem".

Um abração MAG

Margarida S.Mascarenhas
magui.salomao@netcabo.pt

 


Comentário:

Uma justa e bela homenagem a essas valentes mulheres carregadeiras de cais que com muito sacrifício e trabalho árduo conseguiram sustentar os filhos .

Na Praia o trabalho era feito por homens como o Cutchó e outros .

Antigamente não havia táxis e os passageiros quando desembarcavam vindo de outras ilhas , principalmente do Fogo era o Cutchó quem carregava as malas e as pessoas acompanhavam - no a pé até ao destino .

Muitos parabéns e força para poder continuar todos os domingos com as suas crónicas de encantar .

Um abraço

Gabriela Amado Silva
gabybamado@hotmail.com

V O L T A R


Comentário:

Poder-se-ia pensar que as carregadeiras de cais em S. Vicente compunham um dos quadros sanvicentinos mais pitorescos se isso não fosse uma duríssima provação para a condição humana.

Lembro-me de vir da escola e cruzar-me no caminho com essas pobres coitadas, vergadas sob o peso de um saco de milho, a escorrer suor, sob o sol inclemente do meio-dia.

A necessidade de sobrevivência o obrigava, mas mesmo para isso era necessário possuir a robustez física mínima, condição que nem sempre era possível em corpos subalimentados.

É louvável a intenção do autor ao evocar-nos essas humildes e corajosas mulheres e é também clara a emoção com que o faz.

Estou convencido de que todos os que lêem esta crónica partilham essa emoção.

Continua, irmão!

Adriano Miranda Lima

V O L T A R


Comentário:

Não podia ficar indiferente, embora sendo português, perante o excelente trabalho que desde há muito vem fazendo Zizim Figuera no melhoramento da escrita da sua Lingua Caboverdeana pelo que o parabenizo.

As estórias no seu conteúdo são sublimes e relevam todas na sua interdependência de um contexto puramente sócio-cultural que merece ser observado com a maior das atenções pelo Ministério da Cultura de Cabo Verde.

Quanto á escrita nota-se que tem havido na intenção do escritor a preocupação de recorrer, o que é normal, ao sentido etimológico e semântcio das frases e dos termos afim de fixar e estabelecer regras alusivas á escrita o que é muito importante e o peço que continue nesta via.

Leio e compreendo bem o Crioulo de de todas as Ilhas nas suas variantes, embora falá-lo para mim é o mais difícil porque ainda há variantes que desconheço e gostaria que todos os Insulares se pusessem a escrever na sua própria variante o que serviria de termo de comparação.

Vejo cá no Liberal Onlinne que também parabenizo que todos os comentários são de conotação positiva e concordo muito em especial com o do Sr.Undertaker.

Pois da discussão nasce a LUZ e uma Língua não se impõe nem se institucionaliza de forma alguma, uma vez que ela é o Povo, quanto mais por decretos lei.

Neste caso de figura porque não institucionalizar a "CATCHUPA"?Hum?!

Um grande abraço Noel

Noel Pacheco
noel.pacheco@netcabo.pt

Comentário:

Sim senhor Zizim. Tiveste uma excelente educação social, descontraída e sem complexos de contactos humanos que recebeste do teu pai José Figueira vulgo Ti Djô Figuera homem de valor que salvou muita gente da miséria e soube preservar o nosso grande Clube Sportivo Mindelense a equipa mais popular e de grande dimensão Histórica na vida do nosso país Cabo Verde.

Por isso não me estranha esta merecida homenagem que prestas aí ás carregadeiras de cais que fizerma parte da nossa vida.Bemn hajas!

Abraços Daniel

Daniel M.Lima
daniel.mlima01@hotmail.com
V O L T A R